Kreu i PD-së, Lulzim Basha akuzoi kryeministrin Edi Rama se ka rritur koston e jetesës. Ai publikoi të premten një video, ku një qytetar tregon se nuk ka mundësi të paguajë librat për shkollën e vajzës.
“Nuk kisha mundësi t’i blija librat e shkollës. I kërkova, i gjeta diku në vend tjetër dhe ia bleva pas 3-4 ditëve. Ishin trembur se të gjithë i kishin blerë, këto akoma, ose fletore, ose ndonjë laps. Më shumë i kam marrë dhe me listë dhe i paguaj çdo fund muaji dhe pothuajse po kështu vazhdoj”, shprehet qytetari.
Basha shkruan se është koha të largojmë Ramën.
“Pas 8 viteve të dështimit të Ramës, pasi kostoja e jetesës është rritur dita-ditës, ka ardhur koha për ndryshim. Rama duhet të largohet, dhe ne do të sjellim një të ardhme më të mirë për Shqipërinë”
