Basha premton heqjen e tarifës për kalimin në Rrugën e Kombit

Nga Exit News
Basha premton heqjen e tarifës për kalimin në Rrugën e Kombit

Kreu i PD-së Lulzim Basha ka premtuar se do të heq tarifën e kalimit në Rrugën e Kombit kur opozita të vijë në pushtet.

Gjatë një takimi me sipërmarrës të Velipojës, të premten, Basha u shpreh se do të bisedojë për këtë gjë në takimin me kryeministrin e Kosovës Hoti:

‘Sot do të kem një takim me kryeministrin e Kosovës, një nga çështjet që do t’i parashtroj është që të heqim çdo pengesë dhe qytetarët e Kosovës ta kanë sa më të lehtë për të ardhur në plazhet e Shqipërisë.
Taksa e Rrugës së Kombit dhe çmimi i naftës janë dy pengesa. Kur të vijmë në qeveri do të heqim taksën e rrugës së Kombit.’

Basha i premtoi sipërmarrësve dhe heqjen e pjesës më të madhe të taksave për biznesin e vogël:

‘Biznesi i vogël do të ketë vetëm një taksë, 0.5% të xhiros do të jetë taksa për biznesin e vogël që do t’i shkojë buxhetit vendor. Duke ndihmuar sipërmarrjen e vogël ne i kemi dhënë oksigjen pjesës më të madhe të ekonomisë.’

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>