Kryetari i PD-së Lulzim Basha premtoi se kur të vijë në pushtet më 25 prill do të paguaj tarifat e shkollimit për studentët nga familje të varfra.
“Më 25 prill do të nisim të shërojmë edhe ekonominë, edhe shërbimet publike”, tha Basha në një takim me studentët, të henën. Ai premtoi se:
“Në planin tonë ne do ta paguajmë stazhin për 10 mijë studentë, 30 mijë lek në vit. Do të financojmë më të aftet për t’i rikthyer në vend. Do të rrisim pagat për mjekët dhe infermierët, në nivelin e Kosovës — 1200 euro për mjekë dhe 700 euro për infermierët”.
Ai tha se projekti i PD-së për të nxjerrë vendin nga kriza është arsimi universitar. “Partia Demokratike me ekipin më të mirë në vend për teknologjinë e informacionit dhe arsimin”, përfundoi Basha.
