Kryetari i PD-së Lulzim Basha ka akuzuar kryeministrin Rama se vdekjet e shkaktuara nga kovidi janë për faj të tij.
Basha i premtoi qytetarëve se do “ta mposhti këtë të keqe, për të sjellë shpresën dhe të ardhmen që dëshiron çdo shqiptar”.
Postimin, ai e shoqëroi me një video ku shfaqeshin disa ambulanca përpara spitalit Infektiv, dhe e akuzoi Ramën se ka humbur kontrollin:
“Ai e ka humbur kontrollin mbi pandeminë. Për faj të tij qindra shqiptarë kanë humbur jetën nga covid dhe infeksionet po rriten përditë.
Rama nuk ka asnjë plan për të ndihmuar njerëzit. Spitalet, mjekët e infermierët janë të mbingarkuar dhe pacientët dergjen me orë të tëra në ambulanca.
Qeveria fsheh shifrat reale të viktimave dhe të të infektuarve. Numri i testimeve është më i ulëti në Europë, njerëzit presin me javë për përgjigjen dhe fatura e barnave dhe trajtimit është e papërballueshme”.
