Britania e Madhe do të rihapë shkollat në 8 mars dhe që prej 29 marsit do të lejohen grumbullime deri në 6 persona, njoftoi ministri për vaksinat Nadhim Zahaëi të hënën.
“Është koha për një rihapje graduale e të gjithë Anglisë jo vetëm e një rajoni”, pohoi ai për Radion LBC.
Më herët, kryeministri britanik Boris Johnson kërkoi që izolimi aktual i vendit “të jetë i fundit”, por paralajmëroi se ai nuk mund të ofronte garanci për një rihapje të kujdesshme të vendit.
Johnson pritet të miratojë një “udhërrëfyes” për heqjen e kufizimeve të koronavirusit më 22 shkurt.
Gjatë një fundjave, Britania e Madhe në tërësi vaksinoi 15 milion qytetarë në katër grupet e para të përparësisë.
Johnson tha se 90 për qind e atyre të moshës mbi 70 vjeç kanë marrë dozën e parë të vaksinës.
