Vaksina me dozë të vetme Johnson&Johnson u miratua të premten për përdorim, sipas një raportimi nga The Guardian.
Studimet kanë treguar se Johnson & Johnson, është 67% e efektshme në parandalimin e rasteve, nga të moderuara deri të rënda, të Covid-19.
Po ashtu ato sugjerojnë se vaksina gjithashtu mbrojtje të plotë nga shtrimi në spital dhe vdekja.
“Kjo është një nxitje e mëtejshme për programin jashtëzakonisht të suksesshëm të vaksinimit të Mbretërisë së Bashkuar, i cili tashmë ka shpëtuar mbi 13,000 jetë,” deklaroi Sekretari i shëndetësisë, Matt Hancock.
Britania ka aprovuar katër vaksina për të ndihmuar në mbrojtjen e njerëzve nga virusi.
Shtimi i vaksinës së re, shtoi Hancock, do të ndihmojë jo vetëm me vaksinimin e mëtejshëm, por edhe me programin e vaksinave përforcuese.
Vaksinat përforcuese janë një program, ku parashikohet administrimi i një doze të tretë vaksinë për të forcuar më tej mbrojtjen ndaj Covid-19.
Kompania amerikane Johnson&Johnson në 12 prill filloi shpërndarjen e vaksinave në Evropë.
Rregullatori Evropian i Barnave (EMA), konfirmoi një javë më vonë një lidhje të mundshme mes rasteve të mpiksjes së gjakut dhe vaksinës, por rekomandoi marrjen e vaksinës pasi bëhej fjalë për raste ekstremisht të rralla.
