Deputetët e PE kërkojnë bojkotin e Kupës së Botës Rusi 2018

Deputetët e PE kërkojnë bojkotin e Kupës së Botës Rusi 2018

Dhjetëra deputetë të Parlamentit Evropian po i kërkojnë qeverive të BE-së të bojkotojnë turneun e Kupës së Botës Rusi 2018. Me anë të një letre, deputetët shprehen se bojkoti është përgjigje ndaj “talljes” së vlerave evropiane nga presidenti rus Putin.

Letra, e cila do ju dërgua qeverive të të gjitha 28 shteteve anëtare të BE më 18 prill, thotë se helmimi i një ish-spiuni rus në Britani muajin e kaluar, “ishte vetëm kapitulli i ri në talljen e Presidentit Putin me vlerat tona evropiane. ”

Letra gjithashtu i referohet “bombardimeve pa dallim të shkollave, spitaleve dhe zonave civile në Siri; pushtimit të dhunshëm ushtarak në Ukrainë; hakimeve të vazhdueshme; fushatave keqinformuese; ndërhyrjeve në zgjedhje; përpjekje të cilat destabilizojnë shoqëritë evropiane dhe dobësojnë e ndajnë BE-në”.

Deputetët shprehen se këto nuk janë tregues i mirë për mikpritësin e Kupës së Botës.

“Edhe pse pajtohemi se sporti mund të ndihmojë në krijimin e urave, ne nuk mund të pretendojmë se kjo Kupë e Botës është po si çdo ngjarje tjetër e madhe sportive, për aq kohë sa Putini po hedh në erë ura prej vërteti në Siri.”

Në mbyllje të letrës, deputetët kujtojnë ngjarjet e rënda të 2014-ës në Ukrainë:

 “Tre ditë pas Lojërave Olimpike Dimërore 2014 në Soçi, Vladimir Putin pushtoi Ukrainën dhe bota qëndroi spektatore.

Këtë herë,  mund të veprojmë siç duhet duke mos festuar në Kupën e Botës 2018 ndërsa kanë ndodhur gjithë këto shkelje të rënda.”

Ndërkohë qeveria e Islandës dhe Britanisë ka njoftuar se asnjë përfaqësues shtetëror nga vendet e tyre, nuk do të marrin pjesë në turneun e futbollit që fillon më 14 qershor.

Edhe burime nga brenda BE-së kanë njoftuar se në javët e ardhshme mund të njoftohet një bojkot diplomatik i koordinuar për Kupën Botërore.

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>