Parlamenti i Francës miratoi një projekt-ligj të sigurisë të Enjten për të zgjatur kompetencat e policisë, pavarësisht kritikave nga aktivistët e të drejtave civile të cilët kanë frikë se kërcënon përpjekjet për të denoncuar abuzimin e policisë.
Projekt-ligji u miratua me 75 vota pro dhe 33 kundër në Asamblenë Kombëtare, ku partia e Presidentit Francez Emmanuel Macron, e cila propozoi masën, ka një shumicë të madhe. Senati tashmë e ka miratuar projekt-ligjin.
Dhjetëra mijëra protestues marshuan në Paris në nëntor për të denoncuar dispozitën fillestare që do ta bënte të paligjshme botimin e imazheve të oficerëve të policisë me qëllim për t’i shkaktuar atyre dëm.
Kundërshtarët thonë se drafti i ri mbetet ende i paqartë dhe subjekt i interpretimit nga oficerët e policisë. Ata gjithashtu kanë frikë se kjo do të frikësojë njerëzit që përpiqen të luftojnë abuzimin dhe diskriminimin e policisë duke marrë dhe publikuar fotografi dhe video.
Qeveria e Macron tha se ligji ishte i nevojshëm për të mbrojtur më mirë policinë mes kërcënimeve dhe sulmeve nga një skaj i dhunshëm dhe ngacmimeve në rritje në mediat sociale.
