Diplomati hollandez: Serbia duhet të ndryshojë kushtetutën e saj, e jo Kosova

Nga Die Morina
Diplomati hollandez: Serbia duhet të ndryshojë kushtetutën e saj, e jo Kosova

Ish-ambasadori i Hollandës në Kosovë, Robert Bosch kritikoi të dërguarin special të BE-së për dialogun Prishtinë-Beograd, Miroslav Lajcak për deklaratën e tij për ndryshimin e Kushtetutës së Kosovës.

“Nuk mund ta imagjinoj që një diplomat me përvojë si Lajcak në cilësinë e të dërguarit të posaçëm të BE-së i ka kërkuar Kosovës të ndryshojë kushtetutën në mënyrë që të bëjë të mundur themelimin e Asociacionit të Komunave me shumicë Serbe,” shkroi Bosch në Facebook.

Ai shtoi se Serbia duhet të ndryshojë Kushtetutën e saj pasi pretendon Kosovën si pjesë të territorit të saj.

“Siç tha Edita Tahiri me të drejtë, është Serbia ajo që duhet të ndryshojë kushtetutën pasi në aneksin e vitit 1244 thuhet se për Kosovën situata e vitit 1989, entitet autonom, është përsëri e vlefshme. Me siguri Lajcak duhet të bëjë mirë detyrat e shtëpisë, ”shkroi Bosch.

Ish-kryenegociatorja e Kosovës në bisedime me Serbinë, Edita Tahiri i kishte thënë Lajcak se për të arritur një marrëveshje përfundimtare, Serbia duhet të ndryshojë kushtetutën e saj duke hequr Kosovën prej saj.

Miroslav Lajcak ndezi reagime të forta në Kosovë pas deklaratës së tij se Kushtetuta e Kosovës “nuk është Bibël” dhe ajo duhet të ndryshojë.

Adresa juaj e emailit nuk do bëhet publike.

Lajme te ngjashme