Dita e 19-të e grevës, rëndohet gjendja shëndetësore e naftëtareve

Nga Exit News
Dita e 19-të e grevës, rëndohet gjendja shëndetësore e naftëtareve

Teksa naftëtaret kanë hyrë në ditën e 19-të të grevës së urisë, gjendja e tyre shëndetësore është përkeqësuar.

Pavarësisht kësaj, ato shprehen të vendosura për të mos dalë nga greva pa marrë nga qeveria garancinë për plotësimin e kërkesave të tyre: marrjen e rrogave të prapambetura dhe rifillimin e punës në rafineri.

“Jemi gra të lodhura nga hallet dhe puna ndër vite dhe sot jemi në rrugë, duam 13 pagat e fituara me drejtësi,” u shpreh njëra prej tyre.

Pavarësisht rekomandimeve të mjekëve për të ndalur grevën, naftëtaret thonë se do të dalin nga greva vetëm kur të jenë plotësuar kërkesat e tyre.

Deri më tani, kryeministri Rama i ka kërkuar disa herë naftëtarëve që të ndalin grevën, si e vetmja mënyrë për të nisur bisedimet me qeverinë.

Por naftëtarët kanë refuzuar lënien e grevës. Ato kërkojnë nisjen e bisedimeve me qeverinë ndërkohë që greva vazhdon.

Ato kanë përsëritur shpeshherë se presin nga kryeministri zgjidhje konkrete, jo statuse në rrjetet sociale.

Lajme te ngjashme