![aba c b bfbcaaa Dorëheqja e Lleshajt nuk e shuan protestën, policia hedh gaz lotsjellës](https://exit.al/wp-content/uploads/2020/12/10161590-a3ba-4c98-b364-b4325fbc1aaa.jpg)
Dorëheqja e ministrit Lleshaj duket se nuk i ka qetësuar protestuesit për vrasjen e Klodian Rashës.
Ashtu siç ishte paralajmëruar, qytetarët u mblodhën në orën 18:00 para godinës së ministrisë së Brendshme teksa kryeministri Rama nisi reagimin e tij publik për ngjarjen.
Para se ky i fundit të lajmëronte për dorëheqjen e ministrit të Brendshëm, protesta u tensionua dhe policia hodhi gaz lotsjellës për të shpërndarë turmën.
Lajmi për tërheqjen e Lleshajt mori duartrokitje, por nuk uli vrullin e protestuesve.
Ndryshe nga dje, policia sot ishte e vendosur për t’i shpërndarë ata duke përdorur edhe autobotet me pompa uji.
Një barrikadë e focave speciale dhe autoblindave e shtyu turmën nga ministria e Brendshme drejt kryeministrisë ku ishte pjesa tjetër e policëve.
Protestuesit u shpërndanë në zonën rreth kryeministrisë dhe presidencës ndërsa disa prej tyre u shoqëruan nga policët.
Protesta nuk ka përfunduar ndërsa situata mbetet ende e tensionuar dhe nuk kanë munguar as incidentet.
![ddaa fe aafb ecfcfc ddaa fe aafb ecfcfc](https://exit.al/wp-content/uploads/2020/12/6ddaa965-fe53-4100-aafb-7e08c3fc0fc0.jpg)
![fa d c caefff fa d c caefff](https://exit.al/wp-content/uploads/2020/12/945f900a-d590-4c20-8869-ca292ef3f40f.jpg)
![ecf ca b b efedabf ecf ca b b efedabf](https://exit.al/wp-content/uploads/2020/12/55865ecf-7ca1-474b-9b23-6efe639dabf2.jpg)
![aba c b bfbcaaa aba c b bfbcaaa](https://exit.al/wp-content/uploads/2020/12/10161590-a3ba-4c98-b364-b4325fbc1aaa.jpg)
![cdcdfa f cda bb ddfce cdcdfa f cda bb ddfce](https://exit.al/wp-content/uploads/2020/12/cdc9dfa6-f298-4cda-bb97-8ddf64c4e361.jpg)
![ade ae b a badccbca ade ae b a badccbca](https://exit.al/wp-content/uploads/2020/12/018a5d5e-a69e-409b-8a57-5ba9dccb0c6a.jpg)