Drejtuesit kryesor të bandave shqiptare të trafikut të drogës nga Amerika Latine në Evropë jetojnë në Dubai.
Kështu u shpreh gazetari Artan Hoxha, të hënën, në darkë, duke folur për rastin e Eldi Dizdarit, i arrestuar nga Interpol për trafik të lëndëve narkotike, në emisionin Opinion, në Klan Tv.
Ai tha se Eldi Dizdari u shpërngul në Dubai pas konfliktit me Ervin Mataj më 4 tetor të vitit 2018 në zonën e ish-bllokut.
“Ai është vendosur në Dubai pas ngjarjes. Në Dubai jetojnë bosët kryesorë të trafikut të kokainës. Grupet kryesore shqiptare që merren me trafik kokaine nga Amerika Latine në Europë janë zhvendosur atje për të investuar sepse kanë fituar shuma marramendëse dhe për t’ju larguar vëmendjes. Shqipëria për ta është problem i konflikteve me njëri-tjetrin, nuk është problem autoritetesh”, tha Hoxha.
