Drejtuesja e Prokurorisë së Kukësit, Rita Gjati, ka kallëzuar në Prokurori anëtarët e Komisionit të Pavaruar të Kualifikimit për shpërdorim detyre.
Në kallëzimin penal, siguruar nga BalkanWeb, Gjati akuzon kryetaren e KPK, Genta Bungo, dhe anëtarët Alma Faskaj e Lulëzim Hamitaj, se nuk ka shqyrtuar të gjitha provat e dërguara prej saj për procesin e rivlerësimit.
“Nga shqyrtimi i raportit të rezultateve të hetimit të kryera nga KPK për tre kriteret, atë pasuror, profesional dhe të figurës, si dhe provat, të cilat KPK u ishte referuar në nxjerrjen e rezultateve, konstatova se nga ana e KPK nuk ishin administruar në hetimin administrativ shumë të dhëna e dokumente zyrtare, të cilat ishin dërguar nga ana ime dhe ndikonin drejtpërdrejt në rezultatet e hetimit dhe ishin depozituar nga ana ime si subjekt rivlerësimi”, thuhet në kallëzimin penal të prokurores Gjati.
