Macron i kërkon BE-së masa të koordinuara antiCovid

Macron i kërkon BE-së masa të koordinuara antiCovid

Pas kancelares gjermane, Angela Merkel edhe presidenti francez Emanuel Macron u bëri thirrje vendeve të BE-së të koordinojnë masat për hyrjen e udhëtarëve në Bllok.

Ashtu si Merkel, edhe Macron i trembet përhapjes së varianteve Delta të koronavirusit, sipas një raportimi nga Reuters.

“Ne të gjithë duhet të jemi vigjilentë sepse po vjen varianti i shumëpërfolur Delta, i cili përhapet shumë më shpejt se variantet e tjera dhe prek njerëzit që nuk janë të vaksinuar ose që kanë marr vetëm një dozë,” tha Macron para një samiti të BE-së të enjten në Bruksel.

Për këtë arsye ai shtoi se vendet e Bllokut duhet të merrnin vendimet të koordinuara në lidhje me hapjen e kufijve dhe njohjen e vaksinave.

Rikujtojmë se shumica e vendeve të BE-së janë kufizuar në administrimin e vaksinave të miratuara nga Agjensia Rregullatore e Barnave (EMA), por disa vende si Hungaria e Sllovakia kanë përdorur edhe vaksinën Sputnik V, e cila ka hasur probleme në marrjen e autorizimit për përdorim emergjent.

Merkel propozoi një ditë më parë që personat që hynin në BE nga Britania duhet t’i nënshtroheshin karantinës në të gjithë hapsirën evropiane.

Ndërkohë,  Mbretëria e Bashkuar u përgjigj të enjtën, duke theksuar se u takonte vendeve individualisht të vendosnin mbi kufizimet e udhëtarëve britanik.

Zëdhënësi zyrtar i kryeministrit Johnson tha:

“Aktualisht u takon shteteve individuale anëtare të BE-së të vendosin për rregullat që rregullojnë kufijtë e tyre.”

LEXO  Ambasadorja Kim përshëndet përzgjedhjen e Aida Hajnës për kreun e BKH-së

Ai shtoi se Britania po përshpejtonte vaksinimet si mënyrë për të parandaluar virusin dhe e konsideroi një masë shumë të mirë se frenimi i uddhëtimeve, sipas The Guardian.

Frika ndaj varianteve Delta e Delta Plusu reflektua edhe në raportin e Qendrës Evropiane për Kontrollin e Sëmundjeve (ECDPC) të mërkurën, ku vlerësohet se ato do të mbizotërojnë në  hapsirën evropiane deri në fund të gushtit.

 

 

Adresa juaj e emailit nuk do bëhet publike.

Lajme te ngjashme

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>