Agjencia Evropiane e Shëndetësisë lajmëroi mbi rrezikun e mundshëm të përhapjes së mutacionit “Mu”, megjithëse nuk ka ende të dhëna për të treguar se do të kapërcejë llojin mbizotërues Delta.
Mu, i cili u identifikua për herë të parë në Kolumbi në janar dhe njihet shkencërisht si B.1.621, u klasifikua në fillim të këtij muaji si një “variant interesi” nga Organizata Botërore e Shëndetit.
EMA “po shikon edhe variante të tjera që mund të përhapen, si ai Lambda (i identifikuar në Peru) dhe së fundmi ai Mu”, tha shefi i strategjisë së vaksinave Marco Cavaleri për një konferencë për shtyp.
Rregullatori me bazë në Amsterdam, i cili kontrollon ilaçet dhe vaksinat për 27 vendet e BE-së, do të diskutojë me zhvilluesit e vaksinave efektivitetin e vaksinave në trajtimin e variantit Mu, shtoi Cavaleri.
“Sidoqoftë, më duhet të them se ne nuk kemi ende të dhëna që do të tregonin se varianti Mu po përhapet aq shumë, apo nëse ka ndonjë shans për të kapërcyer variantin Delta si një tendencë dominuese.”
OBSH aktualisht ka identifikuar katër variante shqetësuese të Covid-19, përfshirë Alpha, i cili është i pranishëm në 193 vende, dhe Delta, të pranishme në 170 vende. Pesë variante, përfshirë Mu, duhet të monitorohen.
Pasi u zbulua në Kolumbi, Mu është raportuar që atëherë në vende të tjera të Amerikës së Jugut dhe në Evropë.
OBSH tha se prevalenca e saj globale ka rënë në nën 0.1 përqind në mesin e rasteve të renditura. Në Kolumbi, megjithatë, është në 39 përqind.
