Franca i ka dhënë nënshtetësinë më shumë se 12,000 punonjësve të vijës së parë, të cilët kanë vënë jetën në rrezik gjatë pandemisë Covid-19.
Përveç përshpejtimit të procesit të aplikimit, i cili normalisht zgjat deri në dy vjet, qeveria gjithashtu shkurtoi kërkesën për qëndrim brenda Francës nga pesë vjet në dy vjet.
“Punëtorët e vijës së parë iu përgjigjën thirrjes së kombit, kështu që është e drejtë që kombi të bëjë një hap drejt tyre,” tha ministrja e shtetësisë, Marlène Schiappa.
“Unë mirëpres bashkatdhetarët tanë të rinj në kombësinë franceze dhe i falënderoj ata në emër të republikës. Vendi gjithashtu i falënderon ata”, shtoi ajo.
Në Shtator 2020, ministria e Brendshme ftoi ata që kishin “kontribuar në mënyrë aktive” në luftimin e krizës shëndetësore të Covid të aplikonin për natyralizim të shpejtë. Të enjten, Schiappa tha se 16,381 kishin aplikuar dhe 12,012 aplikime ishin miratuar.
