Gjermania planifikon të shpallë sërish të gjithë rajonin e Spanjës si zonë rreziku nga koronavirusi që do të thotë se personat udhëtojnë nga ky vend do të duhet të paraqesin një test negativ për të shmangur kalimin në karantinë, raporton The Guardian duke cituar burime vendase.
Shkalla e infeksionit me Covid-19 në Spanjë është dyfishuar gjatë një jave pasi varianti Delta po përhapet, veçanërisht përmes të rinjve të pavaksinuar, raporton Reuters. Gjermania më parë kishte caktuar vetëm disa rajone në Spanjë si zona me rrezik.
Shkalla kombëtare e infeksionit në Spanjë, e matur gjatë 14 ditëve të fundit, u rrit në 252 raste për 100,000 banorë nga 117,2 një javë më parë.
Tek personat midis 20 dhe 29 vjeç, kjo shifër është 814 raste për 100 mijë banorë.
