Policia gjobiti me 700 mijë lekë një qytetar, i cili ishte i infektuar me koronavirus dhe tentoi të largohej nga vendi.
Në një njoftim zyrtar, policia pohoi se është gjobitur një 63 vjeçar me iniciale M.G, banues në Vlorë.
“Procedohet penalisht në gjendje të lirë 1 shtetas, për veprën penale “Moszbatimi i masave të autoriteteve shtetërore gjatë gjendjes së masave të jashtëzakonshme apo gjatë gjendjes së epidemisë”. Ditën e sotme u referuan materialet hetimore në Prokurorinë e Rrethit Gjyqësor Gjirokastër, për shtetasin M. G, 63 vjeç, banues në fshatin Armen, Vlorë, pasi gjatë kontrollit të ushtruar në vijën e dytë në PKK Kakavijë, pas kontrollit të dokumentit të PCR ka rezultuar pozitiv me SARS – COV 2, sipas analizave të një laboratori në një klinikë private.
Gjithashtu, këtij shtetasi i është vendosur edhe masa administrative në vlerën 700.000 lekë”
Pak ditë më parë u gjobit një 65 vjeçar për të njëjtën arsye.
