Gjykata e Apelit të Tiranës ka lënë në fuqi masën për pezullim nga detyra për ish-zëvendës drejtorin e Operacionit Forca e Ligjti (OFL) Artan Shkëmbi.
Më 15 korrik Gjykata e Shkallës së Parë në Tiranë vendosi përsëri masën pezullim nga detyra për Shkëmbin pasi ai akuzohet për nxjerrje të sekretit hetimor.
Ish-zyrtari i lartë i policisë ishte pezulluar nga detyra në janar të këtij viti nga Gjykata e Tiranës por kjo masë kishte afat 3 muaj dhe ai u kthye sërish në detyrë në mars 2021.
Më 15 mars, Prokuroria e Posaçme Antikorrupsion, SPAK shpalli moskompetencën për hetimin e Shkëmbit, për shkak se nuk u provua akuza e korrupsionit.
Shkëmbi po hetohej për rreth 6 muaj pasi dyshohej se kishte nxjerrë informacione të rëndësishme në lidhje me veprimet e policisë ndaj një grupi të fuqishëm kriminal.
