Gjykata Ndërkombëtare e Hagës ka refuzuar, të enjten, kërkesën e ish-komandantit serbo-boshnjak Ratko Mlladiç, për të lehtësuar dënimin me burgim të përjetshëm për masakrën e Srebenicës.
Në seacën gjyqësore, e cila zgjati dy ditë, Mlladiç kërkoi që të hiqej dënimi i përjetshëm dhënë në vitin 2017 për masakrën e Srebenicës. Ai tha se gjatë luftës në Bosnje ka bërë vetëm detyrën e tij si ushtarak.
Por deklaratat e tij nuk e kanë ndryshuar mendimin e gjyqtarëve.
I njohur ndryshe si “kasapi i Bosnjes”, Mlladiç është gjykuar për 11 akuza, përfshirë edhe krime kundër njerëzimit, në Gjykatën e Hagës.
Ai u dënua me burgim të përjetshëm për masakrën e më shumë se 7 mijë boshnjakëve mysliman meshkuj në Srebrenicë në vitin 1995 dhe në Sarajevë ku vdiqën më shumë se 10 mijë persona.
Procesi ndaj Mlladic në Gjykata Ndërkombëtare e Krimeve për ish—Jugosllavin ka filluar që në vitin 2012. Kjo është çështja e fundit e gjykuar nga Gjykata e Hagës për krimet e kryera gjatë luftës në Bosnje-Hercegovinë.
