Gjykata e Posaçme kundër Korrupsionit rrëzoi kallëzimin e Shkëlzen Berishës, djalit të ish-kryeministrit Sali Berisha, ndaj kryetarit të grupit parlamentar të PS, Taulant Balla.
Berisha kundërshtoi në gjykatë vendimin e Prokurorisë së Krimeve të Rënda, e cila kishte vendosur mosfillimin e hetimit.
Shkëlzen Berisha kallëzoi në Prokurorinë e Krimeve të Rënda, Ballën për shpërdorim detyre dhe nxjerrje të sekretit hetimor, pasi Balla publikoi disa dokumenta në lidhje me çështjen ÇEZ, gjatë komisionit hetimor.
Sipas pretendimeve të Berishës, Balla i publikoi në faqen e tij në Facebook këto dokumente. Prokuroria e Krimeve të Rënda vendosi mosfillim të hetimit.
