Komisioni i ligjeve miratoi sot raportet për kualifikimin e tre kandidatëve për Gjykatë Kushtetuese. Mbas seancës dëgjimore të zhvilluar disa ditë më parë, komisioni i ligjeve kualifikoi kandidatët e mëposhtëm :
- Arta Vorpsi
- Fiona Papajorgji
- Elsa Toska
Tre kandidatët e mësipërm do të kalojnë në seancë plenare për tu votuar.Kuvendi ka afat 30 ditor për të zgjedhur me 84 vota anëtarin e dytë të Gjykatës Kushtetuese. Nëse brenda këtij afati Kuvendi nuk arrin të zgjedhë një nga kandidatët e listës, i pari i renditur do të emërohet automatikisht.
Presidenti Meta emëroi pak kohë më parë anëtarin e parë të Gjykatës Kushtetuese, prokurorin e krimeve të rënda Besnik Muçi.
