Gjykata Kushtetuese pezulloi sot ligjin “Për rivlerësimin kalimtar të gjyqtarëve dhe prokurorëve”, njohur ndryshe si ligji i vetingut, deri në shqyrtimin në themel të ligjit.
Arsyetimi i gjykatës është si më poshtë:
Komisioni i Venecias të shprehet për përputhshmërinë e ligjit me Konventën Europiane për të Drejtat e Njeriut dhe Kushtetutën e Republikës së Shqipërisë.
Unionit të Gjyqtarëve te Shqipërisë për të marrë pjesë në gjykimin e kushtetueshmërisë së ligjit si subjekt i interesuar
PD, më 5 tetor, ankimoi ligjin në Gjykatën Kushtetuese sepse pretendon se ligji i miratuar lejon ndërhyrjen e institucioneve në varësi të qeverisë në procesin e rivlerësimit të gjyqtarëve e prokurorëve. Kjo gjë bie ndesh me Kushtetutën sepse përcaktimet kushtetuese kërkojnë që procesi i vlerësimit te kryhet nga institucionet e pavarura të krijuara për këtë qëllim.
Ligji është një nga shtatë ligjet që plotësojnë paketën e reformës në drejtësi të filluar me ndryshimet kushtetuese të korrikut 2016. Ligj u miratua nga Kuvendi në muajin gusht vetëm me votat e shumicës, ndërsa opozita braktisi votimin.
