Të gjithë personat që dëshirojnë të kalojnë puhsimet në Greqi duhet të tregojnë një pasaportë vaksinimi, ose testin negativ të Covid-19, sipas rregullores së re të qeverisë greke për hapjen e vendit për turistët.
Greqia hapi zyrtarisht sezonin turistik të premten, 14 maj, raporton AFP. “Ne po ngremë spirancën. Ne lëmë pas retë e errëta të frikës dhe pasigurisë ”, u shpreh ministri i turizmit Harry Theoharis, gjatë ceremonisë së hapjen së sezonit.
Të ardhurat nga turizmi në Greqi ranë në 4.28 miliardë euro (5 miliardë dollarë) në 2020 nga 18 miliardë euro në 2019.
Operatori kryesor turistik i Evropës TUI ka planifikuar 120 fluturime nga Britania në Greqi deri në fund të majit. 6 turet e para mbërrijnë të premten dhe 15 të tjera të shtunën. Rreth 40 fluturime hyrëse ndërkombëtare priten të premten në 14 aeroporte rajonale greke dhe 110 të tjera të shtunën.
Gjatë javës, edhe Italia njoftoi hapjen e sezonit turistik më 15 maj.
