Ish-Presidenti i Kosovës Hashim Thaçi u njoh, të hënën, 9 nëntor, me aktakuzat nga Prokuroria Speciale e Hagës.
Gjatë seancës së parë paraprake, prokuroria njohu Thaçin me 10 akuzat, prej të cilave gjashtë janë krime kundër njerëzimit dhe katër janë krime lufte.
Akuzat që rëndojnë mbi Thaçin janë:
- Përndjekje, krim kundër njerëzimit;
- Burgosje, krim kundër njerëzimit;
- Ndalim arbitrar, krim lufte;
- Akte të tjera çnjerëzore, krim kundër njerëzimit;
- Trajtim mizor, krim lufte;
- Torturë, krim kundër njerëzimit;
- Torturë si krim lufte;
- Vrasje, krim kundër njerëzimit;
- Vrasje e paligjshme si krim lufte;
- Zhdukje me forcë e personave, krim kundër njerëzimit.
Sipas prokurorisë, veprat e pretenduara janë kryer midis prillit 1998 dhe gushtit 1999 në Kosovë dhe në Shqipërinë Veriore.
Gjyqtari deklaroi se seanca e sotme ‘është dita për kundërshtuar akuzat, por vetëm për të deklaruar nëse i ka kuptuar akuzat për të cilën akuzohet nga Prokuroria Speciale.’
Hashim Thaçi konfirmoi se ka lexuar akt-akuzën e konfrimuar.
Hashim Thaçi dha dorëheqjen të enjten, 5 nëntor, nga posti i presidentit, pasi u njoftua që aktakuza për krime lufte kundër tij u konfirmua nga Dhomat e Specializuara të Kosovës në Hagë.
