Komiteti i Eksperteve të Covid-19 në vend vendosi lehtësimin e masave kundër Covid-19, në mbledhjen e të enjtes. Masat ndryshojnë si më poshtë:
Nga data 1 qershor do të hiqet detyrimi i mbajtjes së maskës në ambjente të jashtme. Ndërsa maska do të vazhdojë të mbahet në ambjente të brendshme dhe në vende ku nuk mund të ruhet distancimi social.
Ora policore do të shtyhet deri në orën 23:00. Ndërsa, klubet e natës do të vazhdojnë të qendrojnë të mbyllura.
Nga data 15 qershor grumbullimet në ambjente të jashtme rritet nga 10 perosna në 15 persona.
Nga 1 korriku në varësi të situatës epidemiologjike, ora policore do të shtyhet deri në 24:00. Si dhe do të hapen aktivitetet sportive dhe kulturore me publik deri në 30 %.
