Hoti i shqetësuar për grumbullimet e qytetarëve pa maska e distancim social

Nga Exit News
Hoti i shqetësuar për grumbullimet e qytetarëve pa maska e distancim social

Kryeministri i Kosovës Avdullah Hoti i ka bërë thirrje qytetarëve që të shmangin grumbullimet, turmat, takimet e afërta me njerëzit dhe të ruajnë sa më shumë higjienën personale.

Përmes një postimi në rrjetet sociale, Hoti shprehu shqetësimin lidhur me grumbullimin e qytetarëve të premten mbrëma në disa qendra të Kosovës pa zbatuar protokollet anti-Covid, kryesisht mes të rinjve dhe besimtarëve për shkak të festës së Kurban Bajramit.

Thirrja e kryeministrit vjen në një moment kur numri i të infektuarve me koronavirus, pacientëve të shtruar në spitale dhe viktimave në Kosovë është rritur shumë.

Hoti paralajmëroi se në spitale situate nuk është e mirë:

“Sistemi shëndetësor nuk mund të përballojë ngarkesën, duke mos qenë në gjendje të ofrojë kujdes për të prekurit me COVID-19 që kanë nevojë për trajtim.”

Në Kosovë, deri më 31 korrik janë regjistruar 8,330 raste me koronavirus. Prej tyre, 226 persona kanë vdekur dhe 4,578 janë shëruar.

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>