India ka miratuar përdorimin e vaksinës anti-Covid prodhuar nga AstraZeneca dhe Universiteti i Oksfordit.
Ministri i informacionit Prakash Javadekar lajmëroi të shtunën se të paktën tre vaksina të tjera po prisnin në radhë për t’u miratuar, duke deklaruarse ‘India është mbase i vetmi vend ku të paktën katër vaksina po bëhen gati.’
“Njëra u miratua dje për përdorim emergjent, Serum’s Covishield”, ai tha, duke iu referuar vaksinës së prodhuar nga Instituti i Serumit i Indisë.
Vaksinimi i vendit të dytë më të populluar në botë me një nga nivelet më të larta të infeksioneve do të jetë një hap i madh në betejën kundër pandemisë.
Vaksina e AstraZeneca konsiderohet jetike për vendet me të ardhura më të ulëta dhe ato në klimë të nxehtë sepse është më e lirë, më e lehtë për tu transportuar dhe mund të ruhet për periudha të gjata në temperatura normale të frigoriferit.
Sipas të dhënave paraprake vaksina e Astra Zeneca është 62% efikase për të krijuar mbrojtje ndaj COVID-19. Ajo merret në dy doza. Megjithatë ka të dhëna se efikasiteti i vaksinës rritet në 90% nëse së pari injektohet gjysma e dozës së saj dhe në injektimin e dytë merret e plotë.
Deri më tani, India ka raportuar më shumë se 10 milion të infektuar me Covid-19.
