Italia të enjten vendosi masat e reja bllokuese ndaj Covid-19. Ajo vendosi një karantinë mbarëkombëtare për festat. Qeveria italiane përmes këtyre masave kërkon të parandalojë një rritje më të madhe të rasteve të koronavirusit.
Policia italiane ndaloi dhe grumbullimet e familjeve për Krishtlindje.
Autoritetet italiane njoftuan se dyqanet që nuk janë të rëndësishme për përditshmërinë, do të mbyllen nga 24 deri në 27 dhjetor, 31 dhjetor deri më 3 janar dhe 5 deri më 6 janar.
Në këto data, qytetarët italianë do të lejohen të udhëtojnë vetëm për punë, arsye shëndetësore apo urgjente.
