Italia tejkaloi 1 milion raste të konfirmuara të koronavirusit të mërkurën, ndërsa numri i të vdekurve u rrit me shpejtësi gjatë valës së dytë, raporton The guardian.
Gjatë 24 orëve të fundit u regjistrua numri më i lartë ditor I të infektuarve që nga fillimi i prillit me 32,961 infeksione të reja. Italia është vendi i tretë në Evropën, pas Spanjës dhe Francës, që tejkalon 1 milion raste.
Mjekët thanë këtë javë do të ketë edhe 10,000 vdekje shtesë nëse nuk ndërmerren veprime drastike. Tani janë 29,444 njerëz të shtruar në spital për Covid-19 në të gjithë vendin – numri më i lartë që nga fillimi i pandemisë.
“Ne kemi nevojë për një bllokim të përgjithshëm si ai në Mars dhe Prill, ndoshta për dy ose tre javë ose një muaj, në mënyrë që të ulim nivelin e infeksionit”, tha Giovanni Leoni, nënkryetari i federatës italiane të mjekëve.
“Numri i pranimeve në kujdesin intensiv është dyfishuar çdo 10 ditë dhe me këtë shpejtësi do të jetë shumë e vështirë për të garantuar kujdesin për pacientët me sëmundje të tjera”, shtoi ai.
Numri i këtyre shtretërve në të gjithë Italinë është rritur nga 5,000 në fillim të pandemisë në 7,500, por ka një mungesë të anestezistëve. Ka 3,081 pacientë Covid në kujdes intensiv në të gjithë vendin, dhe koha mesatare e kaluar atje është dy deri në tre javë.
“Është një situatë shumë e komplikuar,” tha Tuttlio Prestileo, një mjek i sëmundjeve infektive në spitalin Benfratelli në Palermo.
“Të martën ne u takuam me qeverinë rajonale për të rritur shtretërit e kujdesit intensiv. Ne jemi duke bërë një përpjekje mbinjerëzore. Por ne nuk mund të garantojmë hapësirë për një kohë të pacaktuar ”, shtoi mjeku.
Në muajin e fundit 18,000 punonjës shëndetësorëu infektuan me Covid ndërsa bënin punën e tyre, duke përkeqësuar mungesat.
Kryeministri, Giuseppe Conte, i tha La Stampa të mërkurën se ai ishte duke pritur për të parë nëse masat e fundit kanë një ndikim në kurbën e infeksionit gjatë ditëve të ardhshme.
“Është e vërtetë, ka çështje kritike”, tha ai. “Por një bllokim i përgjithëshëm nuk duhet të jetë zgjedhja e parë – kostot do të ishin shumë të larta”.
