38 emigrantë u gjetën nga policia austrike, të fshehur në një kamion frigoriferik të nisur nga Rumania.
Emigrantët ishin me origjinë nga Siria, Iraku dhe Turqia.
Kamioni frigoriferik u zbulua nga policia pasi ndaloi në autostradë për shkak se emigrantët, nga temperaturat e ulta dhe agonia, nisën të bërtisnin me zë të lartë.
Policia arrestoi shoferin e kamionit dhe emigrantët, përveç 5 prej tyre, të cilët mundën të arratiseshin nga kamioni.
Emigrantët rrëfyen se ata kishin përdorur rrugë të ndryshme klandestine për të arritur në Rumani, ku kishin qëndruar në një shtëpi afër kufirit me Hungarinë. Nga aty ata ishin futur në kamionin frigoriferik që i çoi në Austri përmes Hungarisë.
Për transportin deri në Austri, secili prej tyre kishte paguar 8 mijë euro.
Transporti me kamion frigoriferik, sado esktrem, është një ndër mënyrat më të shpeshta të përdorura për të dërguar emigrantë të paligjshëm nga vende si Rumania e Shqipërira, drejt vendeve të BE-së.
