5 mjekë dhe 5 infermierë të Spitalit të Traumës në Tiranë u karantinuan, pasi u kujdesën për një të aksidentuar të infektuar me Covid-19.
Nuk dihet ende nëse personeli mjekësor është infektuar me Covid-19, apo jo. Në media raportohet se ata do të bëjnë testin pas 5 ditëve, duke qënë se virusi është në periudhë inkubacioni dhe nuk mund të dali në test.
Personi i infektuar u aksidentua me makinë 3 ditë më parë në Durrës. Ai u dërgua në spitalin e Durrësit dhe më pas në Spitalin e Traumës pasi kishte pësuar traumë aksidentale dhe fraktura të nofullës.
Mjekët dyshuan se i riu ishte i infektuar me Covid-19, dhe pasi ai rezultoi pozitiv e dërguan në Spitalin e Infektivit.
Ndërkohë, testi iu bë edhe mjekëve të Spitalit të Durrësit të cilët rezultuan të painfektuar.
