Komisioni i Ankesave dhe Sanksioneve rrëzoi të martën kërkesën e Partisë Demokratike për të siguruar prova shtesë nga institucione të tjera për shkeljet e pretenduara në Qarkun Tiranë.
Njëkohësisht, ajo ka refuzuar kërkesën e kandidatit të pavarur Boiken Abazit, i cili kërkoi pamjet filmike në Qëndrat e Votimit në shkollën Arben Broci.
Abazi, i mbështetur nga Lëvizja Vetëvendosje, deklaroi se një fletë votimi ku ishte votuar për të ishte gjetur nga një maturante në datën 26 prill.
Sipas tij, kjo tregon se kutitë janë hapur para se të shkonin në qëndrat e numërimit.
Të dyja subjektet zgjedhore kanë kërkuar pavlefshmëri të zgjedhjeve dhe ripërsëritje e tyre për qarkun Tiranë.
Ndërkohë, KAS shpalli se do të mblidhet të mërkurën në oren 17.00 për të dhënë vendimin në lidhje me kontestimet e zgjedhjeve në Durrës dhe Shkodër.
