Këshilli i Emërimeve në Drejtësi renditi sot kandidatët që plotësojnë kushtet ligjore për Gjykatë Kushtetuese dhe Inspektor të lartë të Drejtësisë. Në vendimin e publikuar sot, KED lejoi vazhdimin e kandidimit për në Gjykatën Kushtetuese vetëm të Elsa Toskës, e cila mban aktualisht postin e këshilltares ligjore në këtë gjykatë. Nga gara për në Gjykatës Kushtetuse u skualifikuan Klodian Rado, Valbona Baja, Rexhep Bekteshi, Gëzim Allaraj dhe Sinan Tafaj.
Deri më tani kandidatët për Gjykatë Kushtetuese janë :
- Arta Vorpsi;
- Besnik Muçi;
- Fiona Papajorgji;
- Regleta Panajoti;
- Elsa Toska.
KED gjithashtu listoi edhe kandidatët për Inspektorin e Lartë të Drejtësisë duke përjashtuar nga gara sekretarin e përgjithshëm të Kuvendit, Genci Gjonçaj dhe kualifikuar Artur Metanin. Deri më tani kandidatët që kanë plotësuar kushtet për ILD janë:
- Artur Malaj;
- Artur Metani
KED vendosi të shtyjë për në mbledhjen e ardhshme vlerësimin e kandidaturave të Klodian Rados, Marsida Xhaferllari dhe Eris Hysi.
ILD është institucioni që heton shkeljet e kryera nga gjyqtarët dhe prokurorët e të të gjitha niveleve, anëtarët të Këshillit të Lartë Gjyqësor, anëtarët të Këshillit të Lartë të Prokurorisë dhe të Prokurorit të Përgjithshëm. Në mënyrë që gara për ILD të jetë e vlefshme do duhet të jenë minimalisht pesë kandidatë. Në rast të kundërt do të duhet të ripërsëritet thirrja për kandidim dhe më pas i gjithë procesi i shqyrtimit të kandidaturave deri në përzgjedhjen e atyre që plotësojnë kushtet ligjore.
