Koreja e Jugut ka kërkuar karantinimin e mijëra anëtarëve të një kishe në Seul, e cila ditët e fundit është kthyer në vatrën kryesore të përhapjes së Covid-19.
Deri të dielën të paktën 315 persona ishin infektuar në kishën Sarang Jeil, duke shtuar alarmin për shpërthimin e një vale të dytë infeksioni.
Prej 4 ditësh, Koreja ka shënuar numër tre-shifror të infektuarisht të rinj, pas disa javësh me 30 deri në 40 raste. Në total gjatë këtyre ditëve janë gjetur 745 të infektuar.
Koreja e Jugut tani duket se është në fazën e hershme të shpërthimit në komunitetit, tha drejtori i Qendrave të Koresë për Kontrollin dhe Sëmundjen e Sëmundjeve (KCDC) Jeong Un-kyeong në një konferencë shtypi të hënën.
Një valë e dytë infektimi do të shënonte një përmbysje dramatike të situatës, pas disa muajsh gjatë së cilës Koreja e Jugut mori lavdërime ndërkombëtare për mbajtjen nënkontroll të virusit përmes testimit agresiv dhe gjurmimit të kontaktit, pa marrë masa të forta kufizuese.
