Instituti Kombëtar i Shëndetësisë Publike të Kosovës (IKSHPK), ka bërë me dije të premten se në 24 orët e fundit në vend janë regjistruar gjashtë viktima me koronavirus.
Rastet e vdekjes janë nga komunat: Kamenicë 2 raste (78, 76 vjeç), Dragash 1 rast (84 vjeç), Ferizaj 1 rast (74 vjeç), Fushë-Kosovë 1 rast (65 vjeç) dhe Gjakovë 1 rast (83 vjeç)”.
Gjithashtu janë raportuar 860 të infektuar të rinj, pas kryerjes së 4 318 testeve, në institucionet publike e private të shëndetit.
Autoritetet shëndetësore kanë thënë se 682 pacientë kanë mposhtur sëmundjen e koronavirusit, por mbeten ende 13 106 raste aktive.
Prej fillimit të pandemisë në Kosoë janë regjistruar 86 194 të infektuar, prej të cilevëve 1 819 kanë humbur jetën.
Raporti i REL njofton se të premten se në ambientet spitalore janë duke u trajtuar 720 pacientë me koronavirus.
Mes tyre, 32 pacientë janë në gjendje të rënduar shëndetësore, ndërsa 670 janë duke u trajtuar me oksigjenoterapi.
