KPA konfirmon në detyrë gjyqtarin Ramiz Lala

KPA konfirmon në detyrë gjyqtarin Ramiz Lala

Kolegji i Posaçëm i Apelimit vendosi të hënën konfirmimin në detyrë të gjyqtarit të Gjykatës Administrative Gjirokastër, Ramiz Lala.

Trupi gjykues, i përbërë nga kryesuesi Sokol Çomo, relatori Ardian Hajdari dhe anëtarët Ina Rama, Natasha Mulaj eRezarta Schuetz, mori në shqyrtim ankimimin e Komisionerit Publik në lidhje me deklaratën financiare dhe dy vendimmarrje të gjyqëtarit Lala.

Sipas një raportimi nga Reporter.al, Çomo vlerësoi se as mungesat financiare, as problemet në kriterin e profesionalizmit, nuk ishin të atilla që të justifikonin shkarkimin.

Gjyqtari rezultoi “i besueshëm në të tri kriteret”, edhe pasi, në seancën e fundit, Komisioneri Publik Ballhysa pranoi se, pas hetimit, nuk u gjetën probleme.

Ramiz Lala u konfirmua në detyrë më 26 korrik 2019 nga Komisioni i Pavarur i Kualifikimit, pas hetimit mbi tre kriteret e rivlerësimit të figurës së magjistratëve.

 

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>