Komisioni Qëndror i Zgjedhjeve ka përcaktuar të enjten renditjen e subjekteve politike në fletët e votimit për zgjedhjet e 25 prillit.
Partia Social Demokrate është renditur e para në fletën e votimit.
Lëvizja Socialiste për Integrim do të jetë e gjashta ndërsa koalicioni opozitar i Partisë Demokratike do të jetë i 9-ti në listë.
Partia Socialiste e drejtuar nga kryeministri Edi Rama do të renditet e 12-ta.
Bindja Demokratike e Astrit Patozit renditet e 4-ta, Lëvizja për Ndryshim renditet e 11-ta, Nisma Thurje renditet e 7-ta në fletën e votimit.
Në vendin e 13-të në listë do të jenë kandidatët e pavarur në fletët e votimit të qarqeve ku kandidojnë.
Renditja
- Partia Social Demokrate
- Partia Balli Kombëtar
- Partia Lëvizja Demokratike Shqiptare
- Partia Bindja Demokratike
- Aleanca Bashkimi Popullor – Emigracioni – Ora e Shpresës dhe Konservatorët (ABEOK)
- Lëvizja Socialiste për Integrim
- Partia Nisma Thurje
- Partia Lëvizja e Re
- Koalicioni Partia Demokratike- Aleanca për Ndryshim
- Aleanca Demokracia e Re
- Partia Lëvizja për Ndryshim
- Partia Socialiste e Shqipërisë
- Kandidat i Pavarur
