Kryetarja e LSI-së, Monika Kryemadhi iu ka uruar shqiptarëve Vitin e Ri përmes një video-mesazhi në ‘Facebook’.
Kryemadhi përshkroi një panoramë të zymtë për vitin 2020, ku ndikimi i pandemisë sipas saj tregoi dobësinë e shtetit.
“Ndikimi i COVID-19 tregoi dobësinë e shtetit tonë. Ne pamë rritje të papunësisë, çmime të larta, më pak mundësi dhe më shumë shqiptarë që largohen nga vendi ynë. Shumë shqiptarë po luftojnë për të mbijetuar.”
Megjithatë, kryetarja e LSI-së shprehet optimiste për të ardhmen dhe premton të kthejë Shqipërinë “të ndihet sërish si një shtëpi”.
Një Shqipëri më e mirë po vjen. Së bashku ne mund ta kthejmë Shqipërinë të ndihet sërish si një shtëpi dhe të mbyllim këtë kapitull tranzicioni. Gëzuar Vitin e Ri 2021. Zoti i bekoftë shqiptarët. Zoti e bekoftë.
