Kuvendi i Kosovës miraton buxhetin 2021 para shkrirjes

Nga Exit News
Kuvendi i Kosovës miraton buxhetin 2021 para shkrirjes

Kuvendi i Kosovës ka miratuar, mbrëmjen e së martës, buxhetin për vitin 2021.

Buxheti u miratua me 85 vota pro dhe mori votat e LDK-së, PDK-së dhe Lëvizjes Vetëvendosje.

Seanca e së martës ku u miratua buxheti, është e fundit për këtë parlament – ai do të shpërndahet për t’i lënë vend zgjedhjeve të parakohshme.

Miratimi i planin të buxhetit 2021 përpara se kuvendi të shkrihej, ishte kërkesë e kryeministrit në detyrë Avdullah Hoti.

Bashkimi Europian, po ashtu, bëri thirrje për miratimin e buxhetit të Kosovës përpara zgjedhjeve të reja parlamentare, pas vendimit të Gjykatës Kushtetuese të Kosovës për qeverinë Hoti.

Gjykata Kushtetuese vendosi të shpallë jokushtetuese zgjedhjen e qeverisë Hoti për shkak të votës së deputetit Etem Arfi, që sipas vendimit, është jo e vlefshme.

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>