Mali i Zi dhe Serbia dëbojnë ambasadorët respektivë

Nga Exit News
Mali i Zi dhe Serbia dëbojnë ambasadorët respektivë

Qeveria e Malit të Zi ka dëbuar ambasadorin serb sipas njoftimit të Ministrisë së Jashtme të Malit të Zi, më 28 nëntor, me arsyen e ndërhyrjes në punët e brendshme të vendit.

Ambasadori serb Vladimir Bozhoviq, sipas deklaratës për media “ka treguar jorespekt direkt” për Malin e Zi, me deklaratën e tij më 27 nëntor ku e quan vendim e Malit të Zi në 1918 për tju bashkuar mbretërisë serbe si akt “të çlirimit” dhe “vullnetit të lirë” nga malazezët. Vendimi i 1918 u shpall i pavlefshëm nga parlamenti malazez më 2018, duke thënë se i ka hequr Malit të Zi sovranitetin e vet.

Njësoj ju përgjigjë edhe Serbia, duke e shpallur ambasadorin malazezë të padëshiruar. Ministria e Jashtme serbe lajmëroi largimin e ambasadorit 72 orë pas marrjes së vendimit.

“Për shkak të shpalljes së ambasadorit të Serbisë në Malin e Zi, Vladimir Bozhoviq, person të padëshiruar, Ministria e Punëve të Jashtme e Serbisë ka vepruar në mënyrë reciproke”, njofton ministria serbe.

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>