Në vend ka 177 të infektuar për 100 mijë banorë, tha ministrja e Shëndetësisë, Ogerta Manastirliu për emisionin ‘Open’, në Top Channel.
Ajo sqaroi se për të ndalur përhapjen e virusit Komiteti i Ekspertëve vendosi ndalimin e daljes së qytetarëve nga ora 22:00 deri në orën 6:00.
Sipas Manastirliut, baret dhe restorantet, në orët e vona të mbrëmjes, kthehen në vatra kryesore të transmetimit të virusit:
“E kam dëgjuar edhe këtë shakanë për daljen e virusit, por grupet e ekspertëve vlerësojnë situatën dhe nxjerrin konkluzione për burimet e infeksionit. Baret dhe restorantet në këtë orar të natës shërbejnë si vatra infeksioni. Janë grupmoshat e të rinjve që ulin vigjilencën dhe bëhen shkak për të infektuar prindërit e gjyshërit”.
