Maqedoni e Veriut, 30 viktima dhe 663 të infektuar me Covid-19

Nga Exit News
Maqedoni e Veriut, 30 viktima dhe 663 të infektuar me Covid-19

Maqedonia e Veriut raportoi të enjten një tjetër viktimë mes pacientëve me Covid-19 duke e çuar totalin në 30 të vdekur.

Autoritetet shëndetësore u shprehën se viktima ishte një grua 27-vjeçare nga Kumanova, e cila më 30 mars kishte lindur djalë.

Fatmirësisht foshnja nuk eshtë infektuar me koronavirus, por e ëma vuajti ndërlikime të rënda të frymëmarrjes, të cilat i shkaktuan dhe vdekjen.

Po të enjten autoritetet raportuan diagnostikimin e 46 personave të tjerë të infektuar me Covid-19 duke e çuar totalin në 663 të infektuar.

Numri më i madh i të infektuarve mbetet në Shkup (273 të infektuar) e Kumanovë (143 të infektuar).

Deri më tani mbi 6 500 persona janë testuar për koronavirus ndërsa 37 janë shëruar.

Autoritetet thonë se kanë vënë në izolim dhe karantinë shtetërore mbi 10 mijë persona.

Adresa juaj e emailit nuk do bëhet publike.

Lajme te ngjashme