Mbi 50% e tregtisë kryhet përmes detit

Nga Exit News
Mbi 50% e tregtisë kryhet përmes detit

Mbi 50 përqind e eksporteve dhe importeve të mallrave në vend kryhet me det. Eksportet e mallrave më maj 2021, me det zënë 52,2 %, me rrugë 39,8 % dhe me ajër 0,3 %, sipas raporti të INSTAT, të publikuar më 29 qershor. Ndërsa vlera e mallrave të tregtuara në maj 2021 është 94,8 mld lekë dhe 49,7 % e tyre u transportua me det.

Mallrat e eksportuara me rrugë në maj 2021 janë rritur me 24,6 %, krahasuar me majin e 2020-ës. Eksportet e mallrave të transportuara me rrugë në maj 2021 janë rritur 16,3 %, krahasuar me mesataren e muajve maj për periudhën 2018-2020. Mallrat e eksportuara me rrugë janë rritur 26,5 %, krahasuar me të njëjtën periudhë të vitit 2020.

Ndërsa, për majin e 2021, mallrat e importuara me det zënë 48,3 %, me rrugë 47,6 % dhe me ajër 3,1 %.

Gjatë majit u rrit edhe numri i fluturimeve ajrore, me 7,3 herë më shumë se në krahasim me majin e 2020. Në maj 2021, numri i pasagjerëve që udhëtojnë me linjë detare është 36.406 pasagjerë. Krahasuar me Maj 2020, ky tregues është rritur 6,2 herë.

Në muajin Maj 2021, transporti ajror i pasagjerëve zë 80,5 % të transportit gjithsej, me 152.842 pasagjerë ose 21,9 herë më shumë, krahasuar me maj 2020.

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>