Kryeministri izraelit, Benjamin Netanyahu u nominua të martën nga Presidenti i vendit për të formuar qeverinë, pas zgjedhjeve të fundit.
Presidenti Reuven Rivlin, gjithsesi, dyshon se është e mundur që të krijohet një koalicion të shumicës, raporton The Guardian.
“Kam dal në një vendim bazuar në numrin e rekomandimeve (nga ligjvënësit), i cili tregon se Benjamin Netanyahu ka një shans pak më të lartë për të formuar një qeveri,” tha Reuven Rivlin.
Netanyahu u mbështet nga 52 prej 120 ligjvënësëve të zgjedhur në parlamentin e Izraelit, Knesset.
Lideri i opozitës, Yair Lapid, fitoi 45 vota, ndërsa nacionalisti i djathtë, Naftali Bennett siguroi 7 vota nga partia e tij Yamina.
Pati 16 abstenime.
“Rezultatet e konsultimeve, të cilat ishin të hapura për të gjithë, më bëjnë të besoj se asnjë kandidat nuk ka një shans real për të formuar një qeveri që do të ketë besimin e Knesset,” tha Rivlin.
“Në fakt, nëse ligji do të më lejonte, do t’ua ktheja vendimin përfaqësuesve të popullit,” shtoi ai.
Rivlin iu referua drejtpërdrejt mosbesimit të izraelitëve mbi Netanyahun, i cili po gjykohet për akuza korrupsioni.
Netanyahu do të ketë të paktën 28 ditë për të arritur një marrëveshje koalicioni, ndërkohë që parlamenti izraelit është shumë i fraksionuar.
Ai është kryeministri më i gjatë në detyrë i Izraelit, pasi ka qëndruar 12 vjet rresht në detyrë.
