Meta, çdo masë kufizuese dhe ligj i ri në përputhje me Kushtetutën

Nga Exit News
Meta, çdo masë kufizuese dhe ligj i ri në përputhje me Kushtetutën

Presidenti Ilir Meta tha se masat kufizuese të marra nga qeveria si pasojë e gjendjes së fatkeqësisë natyrore duhet të jenë në përputhje me Kushtetutën.

Presidenti mbështeti qendrimin e Këshillit të Evropës për “shmangien sado që të jetë e mundur të vendosjes së dënimeve të ashpra penale për moszbatimin e masave kufizuese, pasi siç thekson Këshilli i Europës, ato krijojnë shqetësime serioze për respektimin e të drejtave të njeriut”.

“Veprimet dhe masat e qeverive, për kufizimin e së drejtës së jetës private, lirisë së ndërgjegjes, lirisë së shprehjes dhe lirisë së organizimit, tërheq vëmendjen Këshilli i Europës, duhet të vendosen vetëm me ligj, në proporcion me rreziqet dhe për aq kohë sa është e nevojshme për mbrojtjen e shëndetit.

Është me rëndësi që çdo masë kufizuese dhe ligj i ri, të jetë në përputhje vetëm me Kushtetutën dhe me interesin e përgjithshëm publik dhe kombëtar”, tha Presidenti në një njoftim për shtyp.

Adresa juaj e emailit nuk do bëhet publike.

Lajme te ngjashme