Presidenti Ilir Meta ka shprehur shqetësimin për rritjen e lartë të borxhit publik dhe kërcënim që një fenomen i tillë i shkakton ekonomisë së vendit.
Përmes një shkrimi në Facebook, Meta i bëri apel ‘çdo zyrtari, në çdo nivel qendror e vendor të mos firmosë kuturu, aq më tepër në këtë periudhe kritike sepse do mbajnë përgjegjësi individuale e jo “kolektive”’.
Presidenti ndau me qytetarët një analizë të ish-deputetit Kastriot Islami, i cili sqaron rritjen e borxhit gjatë qeverisës Rama, sipas së cilit në 7 vite qeverisje, borxhi publik është rritur nga rreth 9 miliardë euro në vitin 2013, në rreth 16,2 miliard euro në vitin 2020.
Një tjetër shqetësim që ngre Islami është se një pjesë e konsiderueshme e këtij borxhi nuk është injektuar në ekonomi, por janë vjedhur nga qeveria.
