Presidenti Ilir Meta kujtoi shembjen e Teatrit Kombëtar të shtunën, në ditën ndërkombëtare të Teatrit.
Përmes një postimi në Facebook, Meta tha se krimi i ndodhur në 17 maj 2020 nuk do të amnistohet pas 25 prillit.
“Sot, me rastin e Ditës Botërore të Teatrit, zotohem se krimi i ndodhur në zemër të Tiranës më 17 maj 2020, mes errësirës dhe në periudhë pandemie, nuk do të amnistohet kurrë dhe se mbi rrënojat e Teatrit Kombëtar, do të rivendoset njëherë e përgjithmonë Drejtësia, që do të shembë Tiraninë.”
Ai shprehu mirënjohje për të gjithë artistët të cilët protestuan për 2 vjet dhe premtoi se Teatri do të ndërtohet aty ku ishte ashtu siç ishte.
