Presidenti Ilir Meta ka reaguar për sulmin terrorist në Francë të ndodhur të enjten.
Në një postim në Facebook, Meta shprehu solidaritetin me popullin francez dhe presidentin Macron.
“Shumë i tronditur nga sulmi i sotëm terrorist në Nisë.
Ngushëllimet më të sinqerta për familjarët e viktimave dhe shërim sa më të shpejtë të gjithë të lënduarve.
Dënoj me forcë sulmin dhe solidarizohem me popullin mik francez, Presidentin Macron, si dhe me autoritetet franceze në përballje me këto akte barbare që synojnë të mbjellin frikë e terror.”
Tre persona janë vrarë dhe të paktën shtatë të tjerë janë plagosur në një sulm me thika pranë kishës së Notre-Dame, në Nisë të Francës. Nuk dihen ende motivet e ngjarjes.
Pak ditë më parë, në Francë, një mësuesi iu pre koka nga një nxënës, pasi tregoi karikatura të profetit Muhamed gjatë një ore mësimi.
