Ministria e Shëndetësisë i këshilloi të premten bizneseve dhe institucioneve që të lejojnë punonjësit të punojnë nga shtëpia kur është e mundur.
Gjatë deklaratës së sotme për përditësimin rreth situatës së Covid-19 në vend, MSH kërkoi respektimin e rregullave për të parandaluar përhapjen e virusit.
“Ministria e Shëndetësisë ju bën thirrje të gjithë bizneseve dhe institucioneve të zbatojne me korrektësi protokollet e sigurisë në punë të miratuara nga autoritetet shëndetësore. Kur është e mundur të lejojnë punonjësit të punojnë nga shtëpia për të minimizuar kontaktet mes tyre dhe përhapjen e virusit. “
Ministria e Shëndetësisë i bëri thirrje qytetarëve të respektojnë rregullat për të parandaluar përhapjen e virusit.
